अध्याय 77: शिव की स्वीकृति और सप्तर्षि

कह सिव जदपि उचित अस-नाहीँ । नाथ बचन पुनि मेटि न जाहीं ॥
सिर धरि आयसु करिय तुम्हारा । परम धरम यह नाथ हमारा ॥

kaha siva jadapi ucita asa-nāhīm̐ | nātha bacana puni meṭi na jāhīṃ ||
sira dhari āyasu kariya tumhārā | parama dharama yaha nātha hamārā ||

मातु-पिता-गुरु-प्रभु कै बानी । बिनहिँ बिचार करिय सुभ जानी ॥
तुम्ह सब भाँति परम हितकारी । अज्ञा सिर पर नाथ तुम्हारी ॥

mātu-pitā-guru-prabhu kai bānī | binahim̐ bicāra kariya subha jānī ||
tumha saba bhām̐ti parama hitakārī | ajñā sira para nātha tumhārī ||

प्रभु तोषेउ सुनि सङ्कर बचना । भगति-विवेक-धर्म जुत रचना ॥
कह प्रभु हर तुम्हार पन रहेऊ । अब उर राखेहु जो हम जो कहेऊ ॥

prabhu toṣeu suni saṅkara bacanā | bhagati-viveka-dharma juta racanā ||
kaha prabhu hara tumhāra pana raheū | aba ura rākhehu jo hama jo kaheū ||

अन्तरधान भये अस भाखी । सङ्कर सोइ मूरति उर राखी ॥
तबहिँ सप्तरिषि सिव पहिँ आये । बोले प्रभु अति बचन सुहाये ॥

antaradhāna bhaye asa bhākhī | saṅkara soi mūrati ura rākhī ||
tabahim̐ saptariṣi siva pahim̐ āye | bole prabhu ati bacana suhāye ||