अध्याय 76: श्रीराम का शिव से विवाह का आग्रह

कतहुँ मुनिन्ह उपदेसहिँ ज्ञाना । कतहुँ राम गुन करहिं बखाना ॥
जदपि अकाम तदपि भगवाना । भगत-बिरह-दुख दुखित-सुजाना ॥

katahum̐ muninha upadesahim̐ jñānā | katahum̐ rāma guna karahiṃ bakhānā ||
jadapi akāma tadapi bhagavānā | bhagata-biraha-dukha dukhita-sujānā ||

एहि विधि गयउ काल बहु बीती । नित नै होइ राम-पद-प्रीती ॥
नेम प्रेम सङ्कर कर देखा । अबिचल हृदयँ भगति कै रेखा ॥

ehi vidhi gayau kāla bahu bītī | nita nai hoi rāma-pada-prītī ||
nema prema saṅkara kara dekhā | abicala hṛdayam̐ bhagati kai rekhā ||

प्रगटे राम कृतज्ञ कृपाला । रूप-सील-निधि तेज बिसाला ॥
बहु प्रकार सङ्करहि सराहा । तुम्ह बिनु अस ब्रत को निरबाहा ॥

pragaṭe rāma kṛtajña kṛpālā | rūpa-sīla-nidhi teja bisālā ||
bahu prakāra saṅkarahi sarāhā | tumha binu asa brata ko nirabāhā ||

बहु बिधि राम सिवहि समुझावा । पारबती कर जनम सुनावा ॥
अति पुनीत गिरिजा कै करनी । बिस्तर सहित कृपानिधि बरनी ॥

bahu bidhi rāma sivahi samujhāvā | pārabatī kara janama sunāvā ||
ati punīta girijā kai karanī | bistara sahita kṛpānidhi baranī ||