अध्याय 74: अपर्णा का तप और आकाशवाणी

उर धरि उमा प्रान-पति-चरना । जाइ बिपिन लागीँ तप करना ॥
अति सुकुमार न तनु तप जोगू । पति-पद सुमिरि तजेउ सब भोगू ॥

ura dhari umā prāna-pati-caranā | jāi bipina lāgīm̐ tapa karanā ||
ati sukumāra na tanu tapa jogū | pati-pada sumiri tajeu saba bhogū ||

नित नव चरन उपज अनुरागा । बिसरी देह तपहिं मन लागा ॥
सम्बत सहस मूल फल खाये । साग खाइ सत बरष गवाँए ॥

nita nava carana upaja anurāgā | bisarī deha tapahiṃ mana lāgā ||
sambata sahasa mūla phala khāye | sāga khāi sata baraṣa gavām̐e ||

कछु दिन भोजन बारि बतासा । किये कठिन कछु दिन उपवासा ॥
बेल-पाती महि परइ सुखाई । तीनि सहस सम्बत सोई खाई ॥

kachu dina bhojana bāri batāsā | kiye kaṭhina kachu dina upavāsā ||
bela-pātī mahi parai sukhāī | tīni sahasa sambata soī khāī ||

पुनि परिहरे सुखाने सुखाने परना । उमहिँ नाम तब भयउ अपरना ॥
देखि उमहिँ तप-खीन-सरीरा । ब्रह्म-गिरा भइ गगन गँभीरा ॥

puni parihare sukhāne sukhāne paranā | umahim̐ nāma taba bhayau aparanā ||
dekhi umahim̐ tapa-khīna-sarīrā | brahma-girā bhai gagana gam̐bhīrā ||