अध्याय 73: तप के लिए उमा का प्रस्थान

करहि जाइ तप सैलकुमारी । नारद कहा सो सत्य बिचारी ॥
मातु-पितहि पुनि यह मत भावा । तप-सुख प्रद दुख-दोष-नसावा ॥

karahi jāi tapa sailakumārī | nārada kahā so satya bicārī ||
mātu-pitahi puni yaha mata bhāvā | tapa-sukha prada dukha-doṣa-nasāvā ||

तप-बल रचइ प्रपञ्च बिधाता । तप-बल विष्नु सकल-जग-त्राता ॥
तप-अल सम्भु करहिँ सङ्घारा । तप-बल सेष धरहिँ महि भारा ॥

tapa-bala racai prapañca bidhātā | tapa-bala viṣnu sakala-jaga-trātā ||
tapa-ala sambhu karahim̐ saṅghārā | tapa-bala seṣa dharahim̐ mahi bhārā ||

तप अधार सब सृष्टि भवानी । करहि जाइ तप अस जियँ जानी ॥
सुनत बचन बिसमित महँतारी । सपन सुनायउ गिरिहि हँकारी ॥

tapa adhāra saba sṛṣṭi bhavānī | karahi jāi tapa asa jiyam̐ jānī ||
sunata bacana bisamita maham̐tārī | sapana sunāyau girihi ham̐kārī ||

मातु-पितहि बहु बिधि समुझाई । चलीँ उमा तप-हित हरषाई ॥
प्रिय परिवार पिता अरु माता । भये विकल मुख आव न बाता ॥

mātu-pitahi bahu bidhi samujhāī | calīm̐ umā tapa-hita haraṣāī ||
priya parivāra pitā aru mātā | bhaye vikala mukha āva na bātā ||