अध्याय 72: माता की गोद और उमा का स्वप्न

अब जौँ तुम्हहिँ सुता पर नेहू । तो अस जाइ सिखावन देहू ॥
करइ सो तप जेहिं मिलहिँ महेसू । आन उपायँ न मिटिहि कलेसू ॥

aba jaum̐ tumhahim̐ sutā para nehū | to asa jāi sikhāvana dehū ||
karai so tapa jehiṃ milahim̐ mahesū | āna upāyam̐ na miṭihi kalesū ||

नारद बचन सगर्भ सहेतू । सुन्दर सब-गुन-निधि-बृषकेतू ॥
अस बिचारि तुम्ह तजहु असङ्का । सबहि भाँति सङ्कर अकलङ्का ॥

nārada bacana sagarbha sahetū | sundara saba-guna-nidhi-bṛṣaketū ||
asa bicāri tumha tajahu asaṅkā | sabahi bhām̐ti saṅkara akalaṅkā ||

सुनि पति-बचन हरषि मन माहीँ । गई तुरत उठि गिरिजा पाहीँ ॥
उमहि बिलोकि नयन भरे बारी । सहित सनेह गोद बैठारी ॥

suni pati-bacana haraṣi mana māhīm̐ | gaī turata uṭhi girijā pāhīm̐ ||
umahi biloki nayana bhare bārī | sahita saneha goda baiṭhārī ||

बारहिँ बार लेति उर लाई । गदगद कंठ न कछु कहि जाई ॥
जगत-मातु सर्बज्ञ भवानी । मातु-सुखद बोलीं मृदु-बानी ॥

bārahim̐ bāra leti ura lāī | gadagada kaṃṭha na kachu kahi jāī ||
jagata-mātu sarbajña bhavānī | mātu-sukhada bolīṃ mṛdu-bānī ||