अध्याय 71: मैना की चिन्ता, हिमवान का धीरज

कहि अस कहि ब्रह्म-भवन मुनि गयऊ । आगिल चरित सुनहु जस भयऊ ॥
पतिहि एकान्त पाइ कह मैना । नाथ न मैं समुझे मुनि-बैना ॥

kahi asa kahi brahma-bhavana muni gayaū | āgila carita sunahu jasa bhayaū ||
patihi ekānta pāi kaha mainā | nātha na maiṃ samujhe muni-bainā ||

जौँ घर बर कुल होइ अनूपा । करिय बिबाह सुता-अनुरूपा ॥
न त कन्या बरु रहउ कुआरी । कन्त उमा मम प्रान-पियारी ॥

jaum̐ ghara bara kula hoi anūpā | kariya bibāha sutā-anurūpā ||
na ta kanyā baru rahau kuārī | kanta umā mama prāna-piyārī ||

जौँ न मिलिहि बर गिरिजहि जोगू । गिरि जड़ सहज कहिहि सब लोगू ॥
सोइ बिचारि पति करेहु बिबाहू । जेहिं न बहोरि होइ उर दाहू ॥

jaum̐ na milihi bara girijahi jogū | giri jar̤a sahaja kahihi saba logū ||
soi bicāri pati karehu bibāhū | jehiṃ na bahori hoi ura dāhū ||

अस कहि परी चरन धरि सीसा । बोले सहित सनेह गिरीसा ॥
बरु पावक प्रगटै ससि माहीँ । नारद बचन अन्यथा नाहीं ॥

asa kahi parī carana dhari sīsā | bole sahita saneha girīsā ||
baru pāvaka pragaṭai sasi māhīm̐ | nārada bacana anyathā nāhīṃ ||