अध्याय 66: हिमवान के घर नारद का आगमन

सरिता सब पुनीत जल बहहीँ । खग मृग मधुप सुखी सब रहहीँ ॥
सहज-बयर सब जीवन्ह त्यागा । गिरि पर सकल करहिँ अनुरागा ॥

saritā saba punīta jala bahahīm̐ | khaga mṛga madhupa sukhī saba rahahīm̐ ||
sahaja-bayara saba jīvanha tyāgā | giri para sakala karahim̐ anurāgā ||

सोह सैल गिरिजा गृह आये । जिमि जन रामभगति के पाये ॥
नित नूतन मङ्गल गृह तासू । ब्रह्मादिक गावहिँ जस जासू ॥

soha saila girijā gṛha āye | jimi jana rāmabhagati ke pāye ||
nita nūtana maṅgala gṛha tāsū | brahmādika gāvahim̐ jasa jāsū ||

नारद समाचार सब पाये । कौतुकहीं गिरि-गेह सिधाये ॥
सैलराज बड़ आदर कीन्हा । पद पखारि बर आसन दीन्हा ॥

nārada samācāra saba pāye | kautukahīṃ giri-geha sidhāye ||
sailarāja bar̤a ādara kīnhā | pada pakhāri bara āsana dīnhā ||

नारि सहित मुनि-पद सिर नावा । चरन-सलिल सब भवन सिंचावा ॥
निज सौभाग्य बहुत विधि बरना । सुता बोलि मेली मुनि चरना ॥

nāri sahita muni-pada sira nāvā | carana-salila saba bhavana siṃcāvā ||
nija saubhāgya bahuta vidhi baranā | sutā boli melī muni caranā ||