अध्याय 64: सती का योगाग्नि में देहत्याग

सुनहु सभासद सकल मुनिन्दा । कही सुनी जिन्ह सङ्कर निन्दा ॥
सो फल तुरत लहब सब काहूँ । भली भाँति पछिताब पिताहूँ ॥

sunahu sabhāsada sakala munindā | kahī sunī jinha saṅkara nindā ||
so phala turata lahaba saba kāhūm̐ | bhalī bhām̐ti pachitāba pitāhūm̐ ||

सन्त-सम्भु-श्रीपति अपबादा । सुनिय जहाँ तहँ असि मरजादा ॥
काटिअ तासु जीभ जो बसाई । स्रवन मूँदि न त चलिय पराई ॥

santa-sambhu-śrīpati apabādā | suniya jahām̐ taham̐ asi marajādā ||
kāṭia tāsu jībha jo basāī | sravana mūm̐di na ta caliya parāī ||

जगदातमा महेस पुरारी । जगत-जनक सब के हितकारी ॥
पिता-मन्दमति निन्दत तेही । दच्छ-सुक्र-सम्भव यह देही ॥

jagadātamā mahesa purārī | jagata-janaka saba ke hitakārī ||
pitā-mandamati nindata tehī | daccha-sukra-sambhava yaha dehī ||

तजिहउँ तुरत देह तेहि हेतू । उर धरि चन्द्रमौलि बृषकेतू ॥
अस कहि जोग-अगिनि तनु जारा । भयउ सकल मख हाहाकारा ॥

tajihaum̐ turata deha tehi hetū | ura dhari candramauli bṛṣaketū ||
asa kahi joga-agini tanu jārā | bhayau sakala makha hāhākārā ||