अध्याय 63: यज्ञ में शिव का भाग नहीं

पिता-भवन जब गई भवानी । दच्छ-त्रास काहु न सनमानी ॥
सादर भलेहिं मिली एक माता । भगिनीं मिलीँ बहुत मुसुकाता ॥

pitā-bhavana jaba gaī bhavānī | daccha-trāsa kāhu na sanamānī ||
sādara bhalehiṃ milī eka mātā | bhaginīṃ milīm̐ bahuta musukātā ||

दच्छ न कछु पूछी कुसलाता । सतिहि बिलोकि जरे सब गाता ॥
सतीं जाइ देखेउ तब जागा । कतहुँ न दीख सम्भु कर भागा ॥

daccha na kachu pūchī kusalātā | satihi biloki jare saba gātā ||
satīṃ jāi dekheu taba jāgā | katahum̐ na dīkha sambhu kara bhāgā ||

तब चित चढ़ेउ जो सङ्कर कहेऊ । प्रभु-अपमान समुझि उर दहेऊ ॥
पाछिल दुख न हृदयँ अस ब्यापा । जस यह भयउ महा परितापा ॥

taba cita car̤heu jo saṅkara kaheū | prabhu-apamāna samujhi ura daheū ||
pāchila dukha na hṛdayam̐ asa byāpā | jasa yaha bhayau mahā paritāpā ||

जद्यपि जग दारुन दुख नाना । सब तेँ कठिन जाति-अपमाना ॥
समुझि सो सतिहि भयउ अति क्रोधा । बहु बिधि जननीं कीन्ह प्रबोधा ॥

jadyapi jaga dāruna dukha nānā | saba tem̐ kaṭhina jāti-apamānā ||
samujhi so satihi bhayau ati krodhā | bahu bidhi jananīṃ kīnha prabodhā ||