अध्याय 61: दक्ष के यज्ञ में जाने की अनुमति

किन्नर नाग सिद्ध गन्धर्वा । बधुन्ह समेत चले सुर सर्बा ॥
बिष्नु बिरञ्चि महेस बिहाई । चले सकल सुर जान बनाई ॥

kinnara nāga siddha gandharvā | badhunha sameta cale sura sarbā ||
biṣnu birañci mahesa bihāī | cale sakala sura jāna banāī ||

सतीं बिलोके ब्योम बिमाना । जात चले सुन्दर विधि नाना ॥
सुर-सुन्दरी करहिँ कल गाना । सुनत स्रवन छूटहिँ मुनि ध्याना ॥

satīṃ biloke byoma bimānā | jāta cale sundara vidhi nānā ||
sura-sundarī karahim̐ kala gānā | sunata sravana chūṭahim̐ muni dhyānā ||

पूछेउ तब सिवँ कहेउ बखानी । पिता जग्य सुनि कछु हरषानी ॥
जौँ महेस मोहि आयसु देहीं । कछु दिन जाइ रहउँ मिस एहीँ ॥

pūcheu taba sivam̐ kaheu bakhānī | pitā jagya suni kachu haraṣānī ||
jaum̐ mahesa mohi āyasu dehīṃ | kachu dina jāi rahaum̐ misa ehīm̐ ||

पति-परित्याग हृदय दुख भारी । कहइ न निज अपराध बिचारी ॥
बोली सती मनोहर बानी । भय सङ्कोच प्रेम रस सानी ॥

pati-parityāga hṛdaya dukha bhārī | kahai na nija aparādha bicārī ||
bolī satī manohara bānī | bhaya saṅkoca prema rasa sānī ||