अध्याय 62: बिना बुलाए न जाने की शिव की सीख

कहेहु नीक मोरेहुँ मन भावा । यह अनुचित नहिँ नेवत पठावा ॥
दच्छ सकल निज सुता बोलाई । हमरें बयर तुम्हउ बिसराई ॥

kahehu nīka morehum̐ mana bhāvā | yaha anucita nahim̐ nevata paṭhāvā ||
daccha sakala nija sutā bolāī | hamareṃ bayara tumhau bisarāī ||

ब्रह्म-सभा हम सन दुख माना । तेहि तेँ अजहुँ करहिं अपमाना ॥
जौँ बिनु बोलें जाहु भवानी । रहइ न सील सनेह न कानी ॥

brahma-sabhā hama sana dukha mānā | tehi tem̐ ajahum̐ karahiṃ apamānā ||
jaum̐ binu boleṃ jāhu bhavānī | rahai na sīla saneha na kānī ||

जदपि मित्र-प्रभु-पितु-गुरु गेहा । जाइअ बिनु बोलेहुँ न सँदेहा ॥
तदपि बिरोध मान जहँ कोई । तहाँ गये कल्यान न होई ॥

jadapi mitra-prabhu-pitu-guru gehā | jāia binu bolehum̐ na sam̐dehā ||
tadapi birodha māna jaham̐ koī | tahām̐ gaye kalyāna na hoī ||

भाँति अनेक सम्भु समुझावा । भावी बस न ज्ञान उर आवा ॥
कह प्रभु जाहु जो बिनहिँ बोलाये । नहिँ भलि बात हमारे भाये ॥

bhām̐ti aneka sambhu samujhāvā | bhāvī basa na jñāna ura āvā ||
kaha prabhu jāhu jo binahim̐ bolāye | nahim̐ bhali bāta hamāre bhāye ||