अध्याय 52: सती राम की परीक्षा लेने चलीं

जौँ तुम्हरें मन अति सन्देहू । तौ किन जाइ परीछा लेहू ॥
तब लगि बैठ अहउँ बट छाहीँ । जब लगि तुम्ह ऐहहु मोहि पाहीं ॥

jaum̐ tumhareṃ mana ati sandehū | tau kina jāi parīchā lehū ||
taba lagi baiṭha ahaum̐ baṭa chāhīm̐ | jaba lagi tumha aihahu mohi pāhīṃ ||

जैसें जाइ मोह-भ्रम-भारी । करेहु सो जतन बिबेक बिचारी ॥
चलीँ सती सिव आयसु पाई । करइ विचार करउँ का भाई ॥

jaiseṃ jāi moha-bhrama-bhārī | karehu so jatana bibeka bicārī ||
calīm̐ satī siva āyasu pāī | karai vicāra karaum̐ kā bhāī ||

इहाँ सम्भु अस मन अनुमाना । दच्छसुता कहुँ नहिँ कल्याना ॥
मोरेहु कहें न संसय जाहीं । बिधि बिपरीत भलाई नाहीं ॥

ihām̐ sambhu asa mana anumānā | dacchasutā kahum̐ nahim̐ kalyānā ||
morehu kaheṃ na saṃsaya jāhīṃ | bidhi biparīta bhalāī nāhīṃ ||

होइहि सोइ जो राम रचि राखा । को करि तरक बढ़ावै साखा ॥
अस कहि लगे जपन लगे हरि-नामा । गई सती जहँ प्रभु सुखधामा ॥

hoihi soi jo rāma raci rākhā | ko kari taraka bar̤hāvai sākhā ||
asa kahi lage japana lage hari-nāmā | gaī satī jaham̐ prabhu sukhadhāmā ||