अध्याय 53: राम ने सती से शिव का पता पूछा

लछिमन दीख उमाकृत बेषा चकित भए भ्रम हृदयँ बिसेषा ॥
कहि न सकत कछु अति गम्भीरा । प्रभु प्रभाउ जानत मतिधीरा ॥

lachimana dīkha umākṛta beṣā cakita bhae bhrama hṛdayam̐ biseṣā ||
kahi na sakata kachu ati gambhīrā | prabhu prabhāu jānata matidhīrā ||

सती कपट जानेउ सुर-स्वामी । सबदरसी सबअन्तर-जामी ॥
सुमिरत जाहि मिटइ अज्ञाना । सोइ सरबज्ञ राम भगवाना ॥

satī kapaṭa jāneu sura-svāmī | sabadarasī sabaantara-jāmī ||
sumirata jāhi miṭai ajñānā | soi sarabajña rāma bhagavānā ||

सती कीन्ह चह तहउँ दुराऊ । देखहु नारि-सुभाउ-प्रभाऊ ॥
निज-माया-बल हृदयँ बखानी । बोले बिहँसि राम मृदु-बानी ॥

satī kīnha caha tahaum̐ durāū | dekhahu nāri-subhāu-prabhāū ||
nija-māyā-bala hṛdayam̐ bakhānī | bole biham̐si rāma mṛdu-bānī ||

जोरि पानि प्रभु कीन्ह प्रनामू । पिता समेत लीन्ह निज नामू ॥
कहेउ बहोरि कहाँ बृषकेतू । बिपिन अकेलि फिरहु केहि हेतू ॥

jori pāni prabhu kīnha pranāmū | pitā sameta līnha nija nāmū ||
kaheu bahori kahām̐ bṛṣaketū | bipina akeli phirahu kehi hetū ||