अध्याय 49: सीताहरण और नर की भाँति राम की खोज

रावन मरन मनुज कर जाचा । प्रभु बिधि बचन कीन्ह चह साँचा ॥
जौँ नहिँ जाउँ रहइ पछितावा । करत बिचार न बनत बनावा ॥

rāvana marana manuja kara jācā | prabhu bidhi bacana kīnha caha sām̐cā ||
jaum̐ nahim̐ jāum̐ rahai pachitāvā | karata bicāra na banata banāvā ||

एहि बिधि भये सोचबस ईसा । तेही समय जाइ दससीसा ॥
लीन्ह नीच मारीचहि सङ्गा । भयउ तुरत सोइ कपट-कुरङ्गा ॥

ehi bidhi bhaye socabasa īsā | tehī samaya jāi dasasīsā ||
līnha nīca mārīcahi saṅgā | bhayau turata soi kapaṭa-kuraṅgā ||

करि छल मूढ़ हरी बैदेही । प्रभु प्रभाउ तस बिदित न तेही ॥
मृग बधि बन्धु सहित हरि आये । आस्रम देखि नयन जल छाये ॥

kari chala mūr̤ha harī baidehī | prabhu prabhāu tasa bidita na tehī ||
mṛga badhi bandhu sahita hari āye | āsrama dekhi nayana jala chāye ||

बिरह बिकल नर इव रघुराई । खोजत बिपिन फिरत दोउ भाई ॥
कबहूँ जोग बियोग न जा के । देखा प्रगट दुसह दुख ताकें ॥

biraha bikala nara iva raghurāī | khojata bipina phirata dou bhāī ||
kabahūm̐ joga biyoga na jā ke | dekhā pragaṭa dusaha dukha tākeṃ ||