अध्याय 40: भक्ति का संगम और कथा के प्रसंग

रामभगति सुरसरितहि जाई । मिली सुकीरति सरजु सुहाई ॥
सानुज राम समर जस पावन । मिलेउ महानद सोन सुहावन ॥

rāmabhagati surasaritahi jāī | milī sukīrati saraju suhāī ||
sānuja rāma samara jasa pāvana | mileu mahānada sona suhāvana ||

जुग बिच भगति देव धुनि धारा । सोहति सहित सुबिरति बिचारा ॥
त्रिविधि ताप त्रासक तिमुहानी । राम सरूप सिन्धु समुहानी ॥

juga bica bhagati deva dhuni dhārā | sohati sahita subirati bicārā ||
trividhi tāpa trāsaka timuhānī | rāma sarūpa sindhu samuhānī ||

मानस-मूल मिली सुरसरिही । सुनत सुजन-मन पावन करिही ॥
बिच बिच कथा विचित्र बिभागा । जनु सरि तीर तीर बन बागा ॥

mānasa-mūla milī surasarihī | sunata sujana-mana pāvana karihī ||
bica bica kathā vicitra bibhāgā | janu sari tīra tīra bana bāgā ||

उमा-महेस-बिबाह बराती । ते जलचर अगनित बहु भाँती ॥
रघुबर-जनम अनन्द-बधाई । भँवर तरङ्ग मनोहरताई ॥

umā-mahesa-bibāha barātī | te jalacara aganita bahu bhām̐tī ||
raghubara-janama ananda-badhāī | bham̐vara taraṅga manoharatāī ||