अध्याय 41: स्वयंवर, विवाह और कैकेयी की काई

सीय-स्वयम्बर-कथा सुहाई । सरित सुहावनि सो छबि छाई ॥
नदी नाव पटु प्रस्न अनेका । केवट कुसल उतर सबिबेका ॥

sīya-svayambara-kathā suhāī | sarita suhāvani so chabi chāī ||
nadī nāva paṭu prasna anekā | kevaṭa kusala utara sabibekā ||

सुनि अनुकथन परसपर होई । पथिक-समाज सोह सरि सोई ॥
घोर धार भृगुनाथ रिसानी । घाट सुबद्ध राम बर बानी ॥

suni anukathana parasapara hoī | pathika-samāja soha sari soī ||
ghora dhāra bhṛgunātha risānī | ghāṭa subaddha rāma bara bānī ||

सानुज राम-बिबाह-उछाहू । सो सुभ उमग सुखद सब काहू ॥
कहत सुनत हरषहिँ पुलकाहीं । ते सुकृती मन मुदित नहाहीं ॥

sānuja rāma-bibāha-uchāhū | so subha umaga sukhada saba kāhū ||
kahata sunata haraṣahim̐ pulakāhīṃ | te sukṛtī mana mudita nahāhīṃ ||

राम तिलक हित मङ्गल साजा । परब जोग जनु जुरे समाजा ॥
काई कुमति केकई केरी । परी जासु फल बिपति घनेरी ॥

rāma tilaka hita maṅgala sājā | paraba joga janu jure samājā ||
kāī kumati kekaī kerī | parī jāsu phala bipati ghanerī ||