अध्याय 359: वसिष्ठ ने विश्वामित्र की करनी कही

भूप विलोकि लिये उर लाई । बैठे हरषि रजायसु पाई ॥
देखि राम सब सभा जुड़ानी । लोचन लाभ अवधि अनुमानी ॥

bhūpa viloki liye ura lāī | baiṭhe haraṣi rajāyasu pāī ||
dekhi rāma saba sabhā jur̤ānī | locana lābha avadhi anumānī ||

पुनि बसिष्ठ मुनि कौसिक आये । सुभग आसनन्हि मुनि बैठाये ॥
सुतन्ह समेत पूजि पग लागे । निरखि राम दोउ गुरु अनुरागे ॥

puni basiṣṭha muni kausika āye | subhaga āsananhi muni baiṭhāye ||
sutanha sameta pūji paga lāge | nirakhi rāma dou guru anurāge ||

कहहिँ बसिष्ठ धरम इतिहासा । सुनहिँ महीस सहित रनिवासा ॥
मुनि मन अगम गाधि सुत करनी । मुदित बसिष्ठ बिपुल बिधि करनी ॥

kahahim̐ basiṣṭha dharama itihāsā | sunahim̐ mahīsa sahita ranivāsā ||
muni mana agama gādhi suta karanī | mudita basiṣṭha bipula bidhi karanī ||

बोले बामदेउ सब साँची । कीरति कलित लोक तिहुँ माची ॥
सुनि आनन्द भयउ सब काहू । राम-लखन-उर अधिक उछाहू ॥

bole bāmadeu saba sām̐cī | kīrati kalita loka tihum̐ mācī ||
suni ānanda bhayau saba kāhū | rāma-lakhana-ura adhika uchāhū ||