अध्याय 358: जागरण की रात और भाइयों की भोर

नीदउँ बदन सोह सुठि लोना । मनहुँ साँझ सरसीरुह सोना ॥
घर घर करहिं जागरन नारीं । देहिँ परसपर मङ्गल गारीं ॥

nīdaum̐ badana soha suṭhi lonā | manahum̐ sām̐jha sarasīruha sonā ||
ghara ghara karahiṃ jāgarana nārīṃ | dehim̐ parasapara maṅgala gārīṃ ||

पुरी बिराजति राजति रजनी । रानीं कहहिँ बिलोकहु सजनी ॥
सुन्दर बधुन्ह सासु लेइ सोई । फनिकन्ह जनु सिर-मनि उर गोई ॥

purī birājati rājati rajanī | rānīṃ kahahim̐ bilokahu sajanī ||
sundara badhunha sāsu lei soī | phanikanha janu sira-mani ura goī ||

प्रात पुनीत-काल प्रभु जागे । अरुनचूड़ बर बोलन लागे ॥
बन्दि मागधन्हि गुनगन गाये । पुरजन द्वार जोहारन आये ॥

prāta punīta-kāla prabhu jāge | arunacūr̤a bara bolana lāge ||
bandi māgadhanhi gunagana gāye | purajana dvāra johārana āye ||

बन्दि बिप्र सुर गुरु पितु माता । पाइ असीस मुदित सब भ्राता ॥
जननिन्ह सादर बदन निहारे । भूपति सङ्ग द्वार पग धारे ॥

bandi bipra sura guru pitu mātā | pāi asīsa mudita saba bhrātā ||
jananinha sādara badana nihāre | bhūpati saṅga dvāra paga dhāre ||