अध्याय 357: मुनि की कृपा से सब हुआ, माताएँ बोलीं

मुनि प्रसाद बलि तात तुम्हारी । ईस अनेक करवरें टारी ॥
मख रखवारी करि दुहुँ भाई । गुरु-प्रसाद सब बिद्या पाई ॥

muni prasāda bali tāta tumhārī | īsa aneka karavareṃ ṭārī ||
makha rakhavārī kari duhum̐ bhāī | guru-prasāda saba bidyā pāī ||

मुनि-तिय तरी लगत पग धूरी । कीरति रही भुवन भरि पूरी ॥
कमठ-पीठि पबि कूट कठोरा । नृप-समाज महँ सिव-धनु तोरा ॥

muni-tiya tarī lagata paga dhūrī | kīrati rahī bhuvana bhari pūrī ||
kamaṭha-pīṭhi pabi kūṭa kaṭhorā | nṛpa-samāja maham̐ siva-dhanu torā ||

बिस्व-विजय-जल जानकि पाई । आये भवन ब्याहि सब भाई ॥
सकल अमानुष करम तुम्हारे । केवल कौसिक कृपाँ सुधारे ॥

bisva-vijaya-jala jānaki pāī | āye bhavana byāhi saba bhāī ||
sakala amānuṣa karama tumhāre | kevala kausika kṛpām̐ sudhāre ||

आजु सुफल जग जनम हमारा । देखि तात बिधुबदन तुम्हारा ॥
जे दिन गये तुम्हहिँ बिनु देखें । ते बिरचि जनि पारहिँ लेखें ॥

āju suphala jaga janama hamārā | dekhi tāta bidhubadana tumhārā ||
je dina gaye tumhahim̐ binu dekheṃ | te biraci jani pārahim̐ lekheṃ ||