अध्याय 356: माताओं ने ताड़का और सुबाहु की बात पूछी

भूप बचन सुनि सहज सुहाये । जरित कनक-मनि पलँग डसाये ॥
सुभग सुरभि पय फेन समाना । कोमल कलित सुपेतीं नाना ॥

bhūpa bacana suni sahaja suhāye | jarita kanaka-mani palam̐ga ḍasāye ||
subhaga surabhi paya phena samānā | komala kalita supetīṃ nānā ||

उपबरहन-बर बरनि न जाहीँ । खग-सुगन्ध मनि-मन्दिर माहीं ॥
रतन दीप सुठि चारु चँदोवा । कहत न बनइ जान जेहिं जोवा ॥

upabarahana-bara barani na jāhīm̐ | khaga-sugandha mani-mandira māhīṃ ||
ratana dīpa suṭhi cāru cam̐dovā | kahata na banai jāna jehiṃ jovā ||

सेज रुचिर रचि रामु उठाये । प्रेम-समेत पलँग पौढ़ाये ॥
आज्ञा पुनि पुनि भाइन्ह दीन्ही । निज निज सेज सयन तिन्ह कीन्ही ॥

seja rucira raci rāmu uṭhāye | prema-sameta palam̐ga paur̤hāye ||
ājñā puni puni bhāinha dīnhī | nija nija seja sayana tinha kīnhī ||

देखि स्याम मृदु मञ्जुल गाता । कहहिँ सप्रेम बचन सब माता ॥
मारग जात भयावनि भारी । केहि बिधि तात ताड़का भारी ॥

dekhi syāma mṛdu mañjula gātā | kahahim̐ saprema bacana saba mātā ||
māraga jāta bhayāvani bhārī | kehi bidhi tāta tār̤akā bhārī ||