अध्याय 355: बहुओं को पलकों की तरह रखना

मङ्गल गान करहिँ बर भामिनि । भइ सुखमूल मनोहर जामिनि ॥
अँचइ पान सब काहूँ पाये । खग-सुगन्ध भूषित छबि छाये ॥

maṅgala gāna karahim̐ bara bhāmini | bhai sukhamūla manohara jāmini ||
am̐cai pāna saba kāhūm̐ pāye | khaga-sugandha bhūṣita chabi chāye ||

रामहि देखि रजायसु पाई । निज निज भवन चले सिर नाई ॥
प्रेम प्रमोद बिनोद बड़ाई । समउ समाज मनोहरताई ॥

rāmahi dekhi rajāyasu pāī | nija nija bhavana cale sira nāī ||
prema pramoda binoda bar̤āī | samau samāja manoharatāī ||

कहि न सकहिँ सत सारद सेसू । बेद बिरञ्चि महेस गनेसू ॥
सो मैं कहउँ कवन विधि बरनी । भूमिनाग सिर धरइ कि धरनी ॥

kahi na sakahim̐ sata sārada sesū | beda birañci mahesa ganesū ||
so maiṃ kahaum̐ kavana vidhi baranī | bhūmināga sira dharai ki dharanī ||

नृप सब भाँति सबहिँ सनमानी । कहि मृदु बचन बोलाई रानी ॥
बधू लरिकनीं पर घर आईं । राखेउ नयन पलक की नाई ॥

nṛpa saba bhām̐ti sabahim̐ sanamānī | kahi mṛdu bacana bolāī rānī ||
badhū larikanīṃ para ghara āīṃ | rākheu nayana palaka kī nāī ||