अध्याय 353: गुरु का नेग, सबको उपहार, देवता लौटे

बिनय कीन्ह उर अति अनुरागें । सुत सम्पदा राखि सब आगें ॥
नेग माँगि मुनिनायक लीन्हा । आसिरबाद बहुत बिधि दीन्हा ॥

binaya kīnha ura ati anurāgeṃ | suta sampadā rākhi saba āgeṃ ||
nega mām̐gi munināyaka līnhā | āsirabāda bahuta bidhi dīnhā ||

उर धरि रामहि सीय समेता । हरषि कीन्ह गुरु गवन निकेता ॥
विप्र-बधू सब भूप बोलाई । चैल चारु भूषन पहिराई ॥

ura dhari rāmahi sīya sametā | haraṣi kīnha guru gavana niketā ||
vipra-badhū saba bhūpa bolāī | caila cāru bhūṣana pahirāī ||

बहुरि बोलाइ सुआसिनि लीन्हीं । रुचि बिचारि पहिरावनि दीन्हीँ ॥
नेगी नेग-जोग सब लेहीं । रुचि अनुरूप भूपमनि देहीं ॥

bahuri bolāi suāsini līnhīṃ | ruci bicāri pahirāvani dīnhīm̐ ||
negī nega-joga saba lehīṃ | ruci anurūpa bhūpamani dehīṃ ||

प्रिय पाहुने पूज्य जे, जाने । भूपति भली भाँति सनमाने ॥
देव देखि रघुबीर बिबाहू । बरषि प्रसून प्रसंसि उछाहू ॥

priya pāhune pūjya je, jāne | bhūpati bhalī bhām̐ti sanamāne ||
deva dekhi raghubīra bibāhū | baraṣi prasūna prasaṃsi uchāhū ||