अध्याय 341: जनक की स्तुति, श्रीराम ही ब्रह्म हैं

मुनि-मंडलिहि जनक सिर नावा । आसिरबाद सबहि सन पावा ॥
सादर पुनि भेँटे जामाता । रूप-सील-गुन--निधि सब भ्राता ॥

muni-maṃḍalihi janaka sira nāvā | āsirabāda sabahi sana pāvā ||
sādara puni bhem̐ṭe jāmātā | rūpa-sīla-guna--nidhi saba bhrātā ||

जोरि पङ्करुह-पानि सुहाए । बोले बचन प्रेम जनु जाये ॥
राम करउँ केहि भाँति प्रसंसा । मुनि-महेस-मन-मानस हंसा ॥

jori paṅkaruha-pāni suhāe | bole bacana prema janu jāye ||
rāma karaum̐ kehi bhām̐ti prasaṃsā | muni-mahesa-mana-mānasa haṃsā ||

करहिं जोग जोगी जेहि लागी । कोह मोहु ममता मद त्यागी ॥
व्यापक ब्रह्म अलख अबिनासी । चिदानन्द निरगुन गुन-रासी ॥

karahiṃ joga jogī jehi lāgī | koha mohu mamatā mada tyāgī ||
vyāpaka brahma alakha abināsī | cidānanda niraguna guna-rāsī ||

मन समेत जेहि जान न बानी । तरकि न सकहिँ सकल अनुमानी ॥
महिमा निगम नेति कहि कहई । जो तिहुँ काल एकरस अहई ॥

mana sameta jehi jāna na bānī | taraki na sakahim̐ sakala anumānī ||
mahimā nigama neti kahi kahaī | jo tihum̐ kāla ekarasa ahaī ||