अध्याय 340: जनक लौटना नहीं चाहते

नृप करि बिनय महाजन फेरे । सादर सकल मागने टेरे ॥
भूषन बसन बाजि गज दीन्हे । प्रेम पोषि ठाढ़े सब कीन्हे ॥

nṛpa kari binaya mahājana phere | sādara sakala māgane ṭere ||
bhūṣana basana bāji gaja dīnhe | prema poṣi ṭhār̤he saba kīnhe ||

बार बार बिरिदावलि भाखी । फिरे सकल रामहि उर राखी ॥
बहुरि बहुरि कोसलपति कहहीं । जनक प्रेमबस फिरै न चहहीं ॥

bāra bāra biridāvali bhākhī | phire sakala rāmahi ura rākhī ||
bahuri bahuri kosalapati kahahīṃ | janaka premabasa phirai na cahahīṃ ||

पुनि कह भूपति बचन सुहाये । फिरिअ महीस दूरि बड़ि आये ॥
राउ बहोरि उतरि भये ठाढ़े । प्रेम-प्रवाह बिलोचन बाढ़े ॥

puni kaha bhūpati bacana suhāye | phiria mahīsa dūri bar̤i āye ||
rāu bahori utari bhaye ṭhār̤he | prema-pravāha bilocana bār̤he ||

तब विदेह बोले कर जोरी । बचन सनेह-सुधाँ जनु बोरी ॥
करउँ कवन बिधि बिनय बनाई । महाराज मोहि दीन्हि बड़ाई ॥

taba videha bole kara jorī | bacana saneha-sudhām̐ janu borī ||
karaum̐ kavana bidhi binaya banāī | mahārāja mohi dīnhi bar̤āī ||