अध्याय 342: जनक ने केवल चरणों में मन माँगा

सबहि भाँति मोहि दीन्हि बड़ाई । निज जन जानि लीन्ह अपनाई ॥
होहिँ सहस-दस सारद सेखा । करहिँ कलप कोटिक भरि लेखा ॥

sabahi bhām̐ti mohi dīnhi bar̤āī | nija jana jāni līnha apanāī ||
hohim̐ sahasa-dasa sārada sekhā | karahim̐ kalapa koṭika bhari lekhā ||

मोर भाग्य राउर गुन-गाथा । कहि न सिराहिँ सुनहु रघुनाथा ॥
मैं कछु कहउँ एक बल मोरें । तुम्ह रीझहु सनेह सुठि थोरें ॥

mora bhāgya rāura guna-gāthā | kahi na sirāhim̐ sunahu raghunāthā ||
maiṃ kachu kahaum̐ eka bala moreṃ | tumha rījhahu saneha suṭhi thoreṃ ||

बार बार माँगउँ कर जोरें । मन परिहरै चरन जनि भोरें ॥
सुनि घर बचन प्रेम जनु पोषे । पूरनकाम राम परितोषे ॥

bāra bāra mām̐gaum̐ kara joreṃ | mana pariharai carana jani bhoreṃ ||
suni ghara bacana prema janu poṣe | pūranakāma rāma paritoṣe ||

करि घर बिनय ससुर सनमाने । पितु कौसिक बसिष्ठ सम जाने ॥
बिनती बहुरि भरत सन कीन्ही । मिलि सप्रेम पुनि आसिष दीन्ही ॥

kari ghara binaya sasura sanamāne | pitu kausika basiṣṭha sama jāne ||
binatī bahuri bharata sana kīnhī | mili saprema puni āsiṣa dīnhī ||