अध्याय 339: सीता की विदाई, बारात का प्रस्थान

बहु बिधि भूप सुता समुझाई । नारि-धरम कुल-रीति सिखाई ॥
दासीं दास दिये बहुतेरे । सुचि सेवक जे प्रिय सिय केरे ॥

bahu bidhi bhūpa sutā samujhāī | nāri-dharama kula-rīti sikhāī ||
dāsīṃ dāsa diye bahutere | suci sevaka je priya siya kere ||

सीय चलत ब्याकुल पुरबासी । होहिं सगुन सुभ मङ्गल-रासी ॥
भूसुर सचिव समेत समाजा । सङ्ग चले पहुँचावन राजा ॥

sīya calata byākula purabāsī | hohiṃ saguna subha maṅgala-rāsī ||
bhūsura saciva sameta samājā | saṅga cale pahum̐cāvana rājā ||

समय बिलोकि बाजने बाजे । रथ गज बाजि बरातिन्ह साजे ॥
दसरथ बिप्र बोलि सब लीन्हे । दान मान परिपूरन कीन्हे ॥

samaya biloki bājane bāje | ratha gaja bāji barātinha sāje ||
dasaratha bipra boli saba līnhe | dāna māna paripūrana kīnhe ||

चरन-सरोज-धूरि धरि सीसा । मुदित महीपति पाइ असीसा ॥
सुमिरि गजानन कीन्ह पयाना । मङ्गल-मूल सगुन भये नाना ॥

carana-saroja-dhūri dhari sīsā | mudita mahīpati pāi asīsā ||
sumiri gajānana kīnha payānā | maṅgala-mūla saguna bhaye nānā ||