अध्याय 332: आतिथ्य के दिन और विदा की बात

जनक सनेह सील करतूती । नृपु सब राति सराहत बीती ॥
दिन उठि बिदा अवधपति माँगा । राखहिँ जनक सहित अनुरागा ॥

janaka saneha sīla karatūtī | nṛpu saba rāti sarāhata bītī ||
dina uṭhi bidā avadhapati mām̐gā | rākhahim̐ janaka sahita anurāgā ||

नित नूतन आदर अधिकाई । दिन प्रति सहस-भाँति पहुनाई ॥
नित नव नगर अनन्द उछाहू । दसरथ गवन सोहाइ न काहू ॥

nita nūtana ādara adhikāī | dina prati sahasa-bhām̐ti pahunāī ||
nita nava nagara ananda uchāhū | dasaratha gavana sohāi na kāhū ||

बहुत दिवस बीते एहि भाँती । जनु सनेह रजु बँधे बराती ॥
कौसिक सतानन्द तब जाई । कहा बिदेह नृपहि समुझाई ॥

bahuta divasa bīte ehi bhām̐tī | janu saneha raju bam̐dhe barātī ||
kausika satānanda taba jāī | kahā bideha nṛpahi samujhāī ||

अब दसरथ कहँ आयसु देहू । जद्यपि छाड़ि न सकहु सनेहू ॥
भलेहिं नाथ कहि सचिव बोलाये । कहि जय जीव सीस तिन्ह नाये ॥

aba dasaratha kaham̐ āyasu dehū | jadyapi chār̤i na sakahu sanehū ||
bhalehiṃ nātha kahi saciva bolāye | kahi jaya jīva sīsa tinha nāye ||