अध्याय 331: गोदान और दशरथ की कृतज्ञता

दंड प्रनाम सबहि नृप कीन्हे । पूजि सप्रेम बरासन दीन्हे ॥
चारि लच्छ बर-धेनु मगाई । कामसुरभि सम सील सुहाई ॥

daṃḍa pranāma sabahi nṛpa kīnhe | pūji saprema barāsana dīnhe ||
cāri laccha bara-dhenu magāī | kāmasurabhi sama sīla suhāī ||

सब बिधि सकल अलंकृत कीन्हीँ । मुदित महिप महिदेवन्ह दीन्हीँ ॥
करत बिनय बहु बिधि नरनाहू । लहेउँ आजु जग जीवन-लाहू ॥

saba bidhi sakala alaṃkṛta kīnhīm̐ | mudita mahipa mahidevanha dīnhīm̐ ||
karata binaya bahu bidhi naranāhū | laheum̐ āju jaga jīvana-lāhū ||

पाइ असीस महीस अनन्दा । लिये बोलि पुनि जाचक-बृन्दा ॥
कनक बसन मनि हय गय स्यन्दन । दिये बूझिरुचि रविकुल-नन्दन ॥

pāi asīsa mahīsa anandā | liye boli puni jācaka-bṛndā ||
kanaka basana mani haya gaya syandana | diye būjhiruci ravikula-nandana ||

चले पढ़त गावत गुन गाथा । जय जय जय दिनकर-कुल-नाथा ॥
एहि विधि राम-बिबाह-उछाहू । सकइ न बरनि सहस-मुख जाहू ॥

cale par̤hata gāvata guna gāthā | jaya jaya jaya dinakara-kula-nāthā ||
ehi vidhi rāma-bibāha-uchāhū | sakai na barani sahasa-mukha jāhū ||