अध्याय 329: विवाह का भोज और मीठी गारियाँ

पञ्च कवल करि जेवन लागे । गारि गान सुनि अति अनुरागे ॥
भाँति अनेक परे पकवाने । सुधा सरिस नहिँ जाहिँ बखाने ॥

pañca kavala kari jevana lāge | gāri gāna suni ati anurāge ||
bhām̐ti aneka pare pakavāne | sudhā sarisa nahim̐ jāhim̐ bakhāne ||

परुसन लगे सुआर सुजाना । बिञ्जन बिबिध नाम को जाना ॥
चारि भाँति भोजन बिधि गाई । एक एक विधि बरनि न जाई ॥

parusana lage suāra sujānā | biñjana bibidha nāma ko jānā ||
cāri bhām̐ti bhojana bidhi gāī | eka eka vidhi barani na jāī ||

छरस रुचिर बिञ्जन बहु जाती । एक एक रस अगनित भाँती ॥
जेवँत देहिँ मधुर धुनि गारी । लइ लइ नाम पुरुष अरु नारी ॥

charasa rucira biñjana bahu jātī | eka eka rasa aganita bhām̐tī ||
jevam̐ta dehim̐ madhura dhuni gārī | lai lai nāma puruṣa aru nārī ||

समय सुहावन गारि बिराजा । हँसत राउ सुनि सहित समाजा ॥
एहि बिधि सबहीं भोजन कीन्हा । आदर सहित आचमन दीन्हा ॥

samaya suhāvana gāri birājā | ham̐sata rāu suni sahita samājā ||
ehi bidhi sabahīṃ bhojana kīnhā | ādara sahita ācamana dīnhā ||