अध्याय 315: शिव देवताओं को राजकुमार दिखाते हैं

जिन्ह कर नाम लेत जग माहीं । सकल अमङ्गल-मूल नसाहीं ॥
करतल होहिँ पदारथ-चारी । तेइ सिय-राम कहेउ कामारी ॥

jinha kara nāma leta jaga māhīṃ | sakala amaṅgala-mūla nasāhīṃ ||
karatala hohim̐ padāratha-cārī | tei siya-rāma kaheu kāmārī ||

एहि विधि सम्भु सुरन्ह समुझावा । पुनि आगें बर-बसह चलावा ॥
देवन्ह देखे दसरथ जाता । महामोद-मन पुलकित गाता ॥

ehi vidhi sambhu suranha samujhāvā | puni āgeṃ bara-basaha calāvā ||
devanha dekhe dasaratha jātā | mahāmoda-mana pulakita gātā ||

साधु-समाज सङ्ग महिदेवा । जनु तनु धरें करहिँ सुख सेवा ॥
सोहत साथ सुभग सुत चारी । जनु अपबरग सकल तनु--धारी ॥

sādhu-samāja saṅga mahidevā | janu tanu dhareṃ karahim̐ sukha sevā ||
sohata sātha subhaga suta cārī | janu apabaraga sakala tanu--dhārī ||

मरकत कनक बरन तनु जोरी । देखि सुरन्ह भै प्रीति न थोरी ॥
पुनि रामहि बिलोकि हियँ हरषे । नृपहि सराहि सुमन तिन्ह बरषे ॥

marakata kanaka barana tanu jorī | dekhi suranha bhai prīti na thorī ||
puni rāmahi biloki hiyam̐ haraṣe | nṛpahi sarāhi sumana tinha baraṣe ||