केकि-कंठ-दुति स्यामल अङ्गा । तड़ित बिनिन्दक बसन सुरङ्गा ॥
ब्याह बिभूषन बिबिध बनाये । मङ्गल सब सब भाँति सुहाये ॥
keki-kaṃṭha-duti syāmala aṅgā | tar̤ita binindaka basana suraṅgā ||
byāha bibhūṣana bibidha banāye | maṅgala saba saba bhām̐ti suhāye ||
बालकाण्ड
अध्याय 316: घोड़े पर सवार दूल्हा श्रीराम
6 श्लोक · 316 में से 361
इस अध्याय में क्या होता है
घोड़े पर सवार दूल्हा श्रीराम
श्रीराम दूल्हा बनकर निकलते हैं। उनके श्याम अंगों में मोर के कंठ जैसी आभा है, वस्त्र बिजली को भी लजाते हैं, मुख शरद के निर्मल चंद्र जैसा और नेत्र नए कमल जैसे हैं। तीनों भाई साथ हैं और अपने चंचल घोड़ों को नचाते चलते हैं, भाट रघुवंश का यश गाते हैं। जिस घोड़े पर श्रीराम विराजे हैं, उसकी चाल देखकर गरुड़ भी लजा जाते हैं। तुलसीदास कहते हैं, मानो स्वयं कामदेव ने घोड़े का वेष धर लिया हो। रत्नजड़ी जीन और घुँघरू देखकर देवता, मनुष्य और मुनि ठगे से रह जाते हैं। दोहे में घोड़ा प्रभु के मन में लीन होकर ऐसे नाचता है, जैसे तारों और बिजली से सजे मेघ के नीचे मोर नाचता हो।
सरद-बिमल-बिधु बदन सुहावन । नयन नवल-राजीव ल जावन ॥
सकल अलौकिक सुन्दरताई । कहि न जाइ मनहीं मन भाई ॥
sarada-bimala-bidhu badana suhāvana | nayana navala-rājīva la jāvana ||
sakala alaukika sundaratāī | kahi na jāi manahīṃ mana bhāī ||
बन्धु मनोहर सोहहिं सङ्गा । जात नचावत चपल तुरंगा ॥
राजकुअँर बर बाजि देखावहिं । बंस-प्रसंसक बिरिद सुनावहिं ॥
bandhu manohara sohahiṃ saṅgā | jāta nacāvata capala turaṃgā ||
rājakuam̐ra bara bāji dekhāvahiṃ | baṃsa-prasaṃsaka birida sunāvahiṃ ||
जेहि तुरङ्ग पर राम बिराजे । गति बिलोकि खगनायक लाजे ॥
कहि न जाइ सब भाँति सुहावा । बाजि बेष जनु काम बनावा ॥
jehi turaṅga para rāma birāje | gati biloki khaganāyaka lāje ||
kahi na jāi saba bhām̐ti suhāvā | bāji beṣa janu kāma banāvā ||
जनु बाजि-बेष बनाइ मनसिज, राम-हित अति-सोहई ।
आपनें बय-बल-रूप-गुन-गति, सकल भुवन बिमोहई ॥
जगमगत जीन जराव जोति सुमोति मनि मानिक लगे ।
किङ्किनि ललाम लगाम-ललित बिलोकि सुर-नर-मुनि ठगे ॥
janu bāji-beṣa banāi manasija, rāma-hita ati-sohaī |
āpaneṃ baya-bala-rūpa-guna-gati, sakala bhuvana bimohaī ||
jagamagata jīna jarāva joti sumoti mani mānika lage |
kiṅkini lalāma lagāma-lalita biloki sura-nara-muni ṭhage ||
प्रभु मनसहिं लयलीन मन, चलत बाजि छबि पाव ।
भूषित उड़गन तड़ित घनु, जनु बर बरहि नचाव ॥
prabhu manasahiṃ layalīna mana, calata bāji chabi pāva |
bhūṣita ur̤agana tar̤ita ghanu, janu bara barahi nacāva ||
पाठ का स्रोत: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0