अध्याय 313: जनक के लोग बारात को बुलाने आते हैं

उपरोहितहि कहेउ नरनाहा । अब बिलम्ब कर कारन काहा ॥
सतानन्द तब सचिव बोलाये । मङ्गल सकल साजि सब ल्याये ॥

uparohitahi kaheu naranāhā | aba bilamba kara kārana kāhā ||
satānanda taba saciva bolāye | maṅgala sakala sāji saba lyāye ||

सङ्ख निसान पनव बहु बाजे । मङ्गल-कलस सगुन सुभ साजे ॥
सुभग सुआसिनि गावहिं गीता । करहिँ बेद धुनि विप्र पुनीता ॥

saṅkha nisāna panava bahu bāje | maṅgala-kalasa saguna subha sāje ||
subhaga suāsini gāvahiṃ gītā | karahim̐ beda dhuni vipra punītā ||

लेन चले सादर एहि भाँती । गये जहाँ जनवास बराती ॥
कोसलपति कर देखि समाजू । अति लघु लाग तिन्हहिं सुरराजू ॥

lena cale sādara ehi bhām̐tī | gaye jahām̐ janavāsa barātī ||
kosalapati kara dekhi samājū | ati laghu lāga tinhahiṃ surarājū ||

भयउ समय अब धारिअ पाऊ । यह सुनि परा निसानहिं घाऊ ॥
गुरुहि पूछि करि कुल बिधि राजा । चले सङ्ग मुनि साधु समाजा ॥

bhayau samaya aba dhāria pāū | yaha suni parā nisānahiṃ ghāū ||
guruhi pūchi kari kula bidhi rājā | cale saṅga muni sādhu samājā ||