अध्याय 308: दशरथ पुत्रों को हृदय से लगाते हैं

मुनिहि दंडवत कीन्ह महीसा । बार बार पद-रज धरि सीसा ॥
कौसिक राउ लिये उर लाई । कहि असीस पूछी कुसलाई ॥

munihi daṃḍavata kīnha mahīsā | bāra bāra pada-raja dhari sīsā ||
kausika rāu liye ura lāī | kahi asīsa pūchī kusalāī ||

पुनि दंडवत करत दोउ भाई । देखि नृपति उर सुख न समाई ॥
सुत हियँ लाइ दुसह दुख मेटे । मृतक-सरीर प्रान जनु भेँटे ॥

puni daṃḍavata karata dou bhāī | dekhi nṛpati ura sukha na samāī ||
suta hiyam̐ lāi dusaha dukha meṭe | mṛtaka-sarīra prāna janu bhem̐ṭe ||

पुनि बसिष्ठ पद सिर तिन्ह नाये । प्रेम मुदित मुनिवर उर लाये ॥
बिप्र-बृन्द बन्दे दुहुँ भाईं । मन भावती असीसें पाईं ॥

puni basiṣṭha pada sira tinha nāye | prema mudita munivara ura lāye ||
bipra-bṛnda bande duhum̐ bhāīṃ | mana bhāvatī asīseṃ pāīṃ ||

भरत सहानुज कीन्ह प्रनामा । लिये उठाइ लाइ उर रामा ॥
हरषे लखन देखि दोउ भ्राता । मिले प्रेम-परिपूरित-गाता ॥

bharata sahānuja kīnha pranāmā | liye uṭhāi lāi ura rāmā ||
haraṣe lakhana dekhi dou bhrātā | mile prema-paripūrita-gātā ||