अध्याय 309: पिता के पास चारों पुत्र

रामहिँ देखि बरात जुड़ानी । प्रीति कि रीति न जाति बखानी ॥
नृप समीप सोहहिं सुत चारी । जनु धन-धरमादिक तनु-धारी ॥

rāmahim̐ dekhi barāta jur̤ānī | prīti ki rīti na jāti bakhānī ||
nṛpa samīpa sohahiṃ suta cārī | janu dhana-dharamādika tanu-dhārī ||

सुतन्ह समेत दसरथहि देखी । मुदित नगर-नर-नारि बिसेखी ॥
सुमन बरिसि सुर हनहिँ निसाना । नाक-नटी नाचहिँ करि गाना ॥

sutanha sameta dasarathahi dekhī | mudita nagara-nara-nāri bisekhī ||
sumana barisi sura hanahim̐ nisānā | nāka-naṭī nācahim̐ kari gānā ||

सतानन्द अरु बिप्र सचिव गन । मागध सूत बिदुष बन्दीजन ॥
सहित बरात राउ सनमाना । आयसु माँगि फिरे अगवाना ॥

satānanda aru bipra saciva gana | māgadha sūta biduṣa bandījana ||
sahita barāta rāu sanamānā | āyasu mām̐gi phire agavānā ||

प्रथम बरात लगन तेँ आई । ता ते पुर प्रमोद अधिकाई ॥
ब्रह्मानन्द लोग सब लहहीं । बढ़हुँ दिवस निसि विधि सन कहहीं ॥

prathama barāta lagana tem̐ āī | tā te pura pramoda adhikāī ||
brahmānanda loga saba lahahīṃ | bar̤hahum̐ divasa nisi vidhi sana kahahīṃ ||