अध्याय 307: राम लक्ष्मण पिता से मिलने चलते हैं

निज निज बास बिलोकि बराती । सुर-सुख-सकल सुलभ सब भाँती ॥
बिभव-भेद कछु कोउ न जाना । सकल जनक कर करहिं बखाना ॥

nija nija bāsa biloki barātī | sura-sukha-sakala sulabha saba bhām̐tī ||
bibhava-bheda kachu kou na jānā | sakala janaka kara karahiṃ bakhānā ||

सिय महिमा रघुनायक जानी । हरषे हृदयँ हेतु पहिचानी ॥
पितु आगमन सुनत दोउ भाई । हृदयँ न अति आनन्द अमाई ॥

siya mahimā raghunāyaka jānī | haraṣe hṛdayam̐ hetu pahicānī ||
pitu āgamana sunata dou bhāī | hṛdayam̐ na ati ānanda amāī ||

सकुचन्ह कहि न सकत गुरु पाहीँ । पितु-दरसन लालच मन माहीँ ॥
बिस्वामित्र बिनय बड़ि देखी । उपजा उर सन्तोष बिसेखी ॥

sakucanha kahi na sakata guru pāhīm̐ | pitu-darasana lālaca mana māhīm̐ ||
bisvāmitra binaya bar̤i dekhī | upajā ura santoṣa bisekhī ||

हरषि बन्धु दोउ हृदयँ लगाये । पुलक-अङ्ग अम्बक जल छाये ॥
चले जहाँ दसरथ जनवासे । मनहुँ सरोवर तकेउ पिआसे ॥

haraṣi bandhu dou hṛdayam̐ lagāye | pulaka-aṅga ambaka jala chāye ||
cale jahām̐ dasaratha janavāse | manahum̐ sarovara takeu piāse ||