अध्याय 306: जनवासा और सीताजी की सिद्धियाँ

बरषि सुमन सुर सुन्दरि गावहिँ । मुदित देव दुंदुभीं बजावहिँ ॥
बस्तु सकल राखीं नृप आगें । बिनय कीन्ह तिन्ह अति अनुरागें ॥

baraṣi sumana sura sundari gāvahim̐ | mudita deva duṃdubhīṃ bajāvahim̐ ||
bastu sakala rākhīṃ nṛpa āgeṃ | binaya kīnha tinha ati anurāgeṃ ||

प्रेम समेत रायँ सब लीन्हा । भइ बकसीस जाचकन्हि दीन्हा ॥
करि पूजा मान्यता बड़ाई । जनवासे कह चले लवाई ॥

prema sameta rāyam̐ saba līnhā | bhai bakasīsa jācakanhi dīnhā ||
kari pūjā mānyatā bar̤āī | janavāse kaha cale lavāī ||

बसन बिचित्र पाँवड़े परहीं । देखि धनहु धन-मद परिहरहीं ॥
अति सुन्दर दीन्हेउ जनवासा । जहं सब कह सब भाँति सुपासा ॥

basana bicitra pām̐var̤e parahīṃ | dekhi dhanahu dhana-mada pariharahīṃ ||
ati sundara dīnheu janavāsā | jahaṃ saba kaha saba bhām̐ti supāsā ||

जानी सियँ बरात पुर आई । कछु निज महिमा प्रगटि जनाई ॥
हृदयँ सुमिरि सब सिद्धि बोलाई । भूप पहुनई करन पठाई ॥

jānī siyam̐ barāta pura āī | kachu nija mahimā pragaṭi janāī ||
hṛdayam̐ sumiri saba siddhi bolāī | bhūpa pahunaī karana paṭhāī ||