अध्याय 305: भेंट की सामग्री, आनन्द के दो समुद्रों का मिलन

कनक कलस कल कोपर थारा । भाजन ललित अनेक प्रकारा ॥
भरे सुधा सम सब पकवाने । नाना भाँति भाँति नहिं जाहिँ बखाने ॥

kanaka kalasa kala kopara thārā | bhājana lalita aneka prakārā ||
bhare sudhā sama saba pakavāne | nānā bhām̐ti bhām̐ti nahiṃ jāhim̐ bakhāne ||

कल अनेक बर बस्तु सुहाईं । हरषि भेंट हित भूप पठाईं ॥
भूषन बसन महामनि नाना । खग मृग हय गय बहु विधि जाना ॥

kala aneka bara bastu suhāīṃ | haraṣi bheṃṭa hita bhūpa paṭhāīṃ ||
bhūṣana basana mahāmani nānā | khaga mṛga haya gaya bahu vidhi jānā ||

मङ्गल सगुन सुगन्ध सुहाये । बहुत भाँति महिपाल पठाये ॥
दधि चिउरा उपहार अपारा । भरि भरि काँवरि चले कहारा ॥

maṅgala saguna sugandha suhāye | bahuta bhām̐ti mahipāla paṭhāye ||
dadhi ciurā upahāra apārā | bhari bhari kām̐vari cale kahārā ||

अगवानन्ह जब दीखि बराता । उर आनन्द पुलक भर गाता ॥
देखि बनाव सहित अगवाना । मुदित बरातिन्ह हने निसाना ॥

agavānanha jaba dīkhi barātā | ura ānanda pulaka bhara gātā ||
dekhi banāva sahita agavānā | mudita barātinha hane nisānā ||