अध्याय 304: शकुन नाच उठे, मार्ग में जनक का सत्कार

मङ्गल सगुन सुगम सब ताकें । सगुन-ब्रह्म सुन्दर सुत जा के ॥
राम सरिस बर दुलहिनि सीता । समधी दसरथ जनक पुनीता ॥

maṅgala saguna sugama saba tākeṃ | saguna-brahma sundara suta jā ke ||
rāma sarisa bara dulahini sītā | samadhī dasaratha janaka punītā ||

सुनि अस ब्याह सगुन सब नाचे । अब कीन्हे बिरञ्चि हम साँचे ॥
एहि बिधि कीन्ह बरात पयाना । हय गय गाजहिं हने निसाना ॥

suni asa byāha saguna saba nāce | aba kīnhe birañci hama sām̐ce ||
ehi bidhi kīnha barāta payānā | haya gaya gājahiṃ hane nisānā ||

आवत जानि भानुकुल-केतू । सरितन्हि जनक बँधाये सेतू ॥
बीच बीच बर बास बनाये । सुरपुर-सरिस सम्पदा छाये ॥

āvata jāni bhānukula-ketū | saritanhi janaka bam̐dhāye setū ||
bīca bīca bara bāsa banāye | surapura-sarisa sampadā chāye ||

असन सयन बर बसन सुहाए । पावहिँ सब निज निज मन भाये ॥
नित नूतन सुख लखि अनुकूले । सकल बरातिन्ह मन्दिर भूले ॥

asana sayana bara basana suhāe | pāvahim̐ saba nija nija mana bhāye ||
nita nūtana sukha lakhi anukūle | sakala barātinha mandira bhūle ||