अध्याय 303: सारे शुभ शकुन एक साथ

बनइ न बरनत बनी बराता । होहिं सगुन सुन्दर सुभ-दाता ॥
चारा चाषु बाम दिसि लेई । मनहुँ सकल मङ्गल कहि देई ॥

banai na baranata banī barātā | hohiṃ saguna sundara subha-dātā ||
cārā cāṣu bāma disi leī | manahum̐ sakala maṅgala kahi deī ||

दाहिन काग सुखेत सुहावा । नकुल दरस सब काहूँ पावा ॥
सानुकूल बह त्रिबिधि बयारी । सघट सबाल आव बर नारी ॥

dāhina kāga sukheta suhāvā | nakula darasa saba kāhūm̐ pāvā ||
sānukūla baha tribidhi bayārī | saghaṭa sabāla āva bara nārī ||

लोवा फिरि फिरि दरस देखावा । सुरभी सनमुख सिसुहि पिआवा ॥
मृगमाला फिरि दाहिनि आई । मङ्गल-गन जनु दीन्हि देखाई ॥

lovā phiri phiri darasa dekhāvā | surabhī sanamukha sisuhi piāvā ||
mṛgamālā phiri dāhini āī | maṅgala-gana janu dīnhi dekhāī ||

छेमकरी कह छेम बिसेखी । स्यामा बाम सुतरु पर देखी ॥
सनमुख आयउ दधि अरु मीना । कर पुस्तक दुइ विप्र प्रबीना ॥

chemakarī kaha chema bisekhī | syāmā bāma sutaru para dekhī ||
sanamukha āyau dadhi aru mīnā | kara pustaka dui vipra prabīnā ||