अध्याय 302: बाजे गाजे के साथ बारात चलती है

सहित बसिष्ठ सोह नृप कैसें । सुर गुर सङ्ग पुरन्दर जैसें ॥
करि कुल-रीति बेद-बिधि राऊ । देखि सबहि सब भाँति बनाऊ ॥

sahita basiṣṭha soha nṛpa kaiseṃ | sura gura saṅga purandara jaiseṃ ||
kari kula-rīti beda-bidhi rāū | dekhi sabahi saba bhām̐ti banāū ||

सुमिरि राम गुरु आयसु पाई । चले महीपति सङ्ख बजाई ॥
हरषे बिबुध बिलोकि बराता । बरषहिँ सुमन सुमङ्गल दाता ॥

sumiri rāma guru āyasu pāī | cale mahīpati saṅkha bajāī ||
haraṣe bibudha biloki barātā | baraṣahim̐ sumana sumaṅgala dātā ||

भयउ कोलाहल हय गय गाजे । ब्योम बरात बाजने बाजे ॥
सुर-नर-नारि सुमङ्गल गाई । सरस राग बाजहिँ सहनाई ॥

bhayau kolāhala haya gaya gāje | byoma barāta bājane bāje ||
sura-nara-nāri sumaṅgala gāī | sarasa rāga bājahim̐ sahanāī ||

घंट घंटि धुनि बरनि न जाहीँ । सरव करहिँ पाइक फहराहीं ॥
करहिँ बिदूषक कौतुक नाना । हास-कुसल कल गान सुजाना ॥

ghaṃṭa ghaṃṭi dhuni barani na jāhīm̐ | sarava karahim̐ pāika phaharāhīṃ ||
karahim̐ bidūṣaka kautuka nānā | hāsa-kusala kala gāna sujānā ||