अध्याय 299: नगर के बाहर रथ जुटते हैं

बाँधे बिरद बीर रन गाढ़े । निकसि भये पुर बाहेर ठाढ़े ॥
फेरहिं चतुर तुरग गति नाना । हरषे सुनि सुनि पवन निसाना ॥

bām̐dhe birada bīra rana gār̤he | nikasi bhaye pura bāhera ṭhār̤he ||
pherahiṃ catura turaga gati nānā | haraṣe suni suni pavana nisānā ||

रथ सारथिन्ह बिचित्र बनाये । ध्वज पताक मनि भूषन लाये ॥
चवँर चारु किंकिन धुनि करहीं । भानु-जान सोभा अपहरहीं ॥

ratha sārathinha bicitra banāye | dhvaja patāka mani bhūṣana lāye ||
cavam̐ra cāru kiṃkina dhuni karahīṃ | bhānu-jāna sobhā apaharahīṃ ||

सावँकरन अगनित हय होते । ते तिन्ह रथन्ह सारथिन्ह जोते ॥
सुन्दर सकल अलंकृत सोहे । जिन्हहिँ बिलोकत मुनि मन मोहे ॥

sāvam̐karana aganita haya hote | te tinha rathanha sārathinha jote ||
sundara sakala alaṃkṛta sohe | jinhahim̐ bilokata muni mana mohe ||

जे जल चलहिँ थलहि की नाई । टाप न बूड़ बेग अधिकाई ॥
अस्त्र सत्र सब साज बनाई । रथी सारथिन्ह लिये बोलाई ॥

je jala calahim̐ thalahi kī nāī | ṭāpa na būr̤a bega adhikāī ||
astra satra saba sāja banāī | rathī sārathinha liye bolāī ||