अध्याय 298: भरत घोड़े और सवार सजाते हैं

भूप भरत पुनि लिये बोलाई । हय गय स्यन्दन साजहु जाई ॥
चलहु बेगि रघुबीर-बराता । सुनत पुलक पूरे दोउ भ्राता ॥

bhūpa bharata puni liye bolāī | haya gaya syandana sājahu jāī ||
calahu begi raghubīra-barātā | sunata pulaka pūre dou bhrātā ||

भरत सकल साहनी बोलाये । आयसु दीन्ह मुदित उठि धाये ॥
रचि रुचि जीन तुरग तिन्ह साजे । बरन बरन बर बाजि बिराजे ॥

bharata sakala sāhanī bolāye | āyasu dīnha mudita uṭhi dhāye ||
raci ruci jīna turaga tinha sāje | barana barana bara bāji birāje ||

सुभग सकल सुठि चञ्चल करनी । अय इव जरत धरत पग धरनी ॥
माना जाति न जाहिं बखाने । निदरि पवन जनु चहत उड़ाने ॥

subhaga sakala suṭhi cañcala karanī | aya iva jarata dharata paga dharanī ||
mānā jāti na jāhiṃ bakhāne | nidari pavana janu cahata ur̤āne ||

तिन्ह सब छयल भये असवारा । भरत सरिस बय राजकुमारा ॥
सब सुन्दर सब भूषन-धारी । कर सर चाप तून कटि-कारी ॥

tinha saba chayala bhaye asavārā | bharata sarisa baya rājakumārā ||
saba sundara saba bhūṣana-dhārī | kara sara cāpa tūna kaṭi-kārī ||