अध्याय 290: जनक की पाती दशरथ के पास

पहुँचे दूत राम-पुर पावन । हरषे नगर बिलोकि सुहावन ॥
भूप-द्वार तिन्ह खबरि जनाई । दसरथ नृप सुनि लिये बोलाई ॥

pahum̐ce dūta rāma-pura pāvana | haraṣe nagara biloki suhāvana ||
bhūpa-dvāra tinha khabari janāī | dasaratha nṛpa suni liye bolāī ||

करि प्रनाम तिन्ह पाती दीन्ही । मुदित महीप आप उठि लीन्ही ॥
बारि-बिलोचन बाचत पाती । पुलक गात आई भरि छाती ॥

kari pranāma tinha pātī dīnhī | mudita mahīpa āpa uṭhi līnhī ||
bāri-bilocana bācata pātī | pulaka gāta āī bhari chātī ||

राम-लखन-उर कर-नर-चीठी । रहि गये कहत न खाटी मीठी ॥
पुनि धरि धीर पत्रिका बाँची । हरषी सभा बात सुनि साँची ॥

rāma-lakhana-ura kara-nara-cīṭhī | rahi gaye kahata na khāṭī mīṭhī ||
puni dhari dhīra patrikā bām̐cī | haraṣī sabhā bāta suni sām̐cī ||

खेलत रहे तहाँ सुधि पाई । आये भरत सहित हित भाई ॥
पूछत अति सनेहँ सकुचाई । तात कहाँ से पाती आई ॥

khelata rahe tahām̐ sudhi pāī | āye bharata sahita hita bhāī ||
pūchata ati saneham̐ sakucāī | tāta kahām̐ se pātī āī ||