अध्याय 291: दशरथ दूतों से पूछते हैं

मुनि पाती पुलके दोउ भ्राता । अधिक सनेह समात न गाता ॥
प्रीति पुनीत भरत कै देखी । सकल सभाँ सुख लहे उ बिसेखी ॥

muni pātī pulake dou bhrātā | adhika saneha samāta na gātā ||
prīti punīta bharata kai dekhī | sakala sabhām̐ sukha lahe u bisekhī ||

तब नृप दूत निकट बैठारे । मधुर मनोहर बचन उचारे ॥
भैया कहहु कुसल दोउ बारे । तुम्ह नीकें निज नयन निहारे ॥

taba nṛpa dūta nikaṭa baiṭhāre | madhura manohara bacana ucāre ||
bhaiyā kahahu kusala dou bāre | tumha nīkeṃ nija nayana nihāre ||

स्यामल गौर धरें धनु भाथा । बय-किसोर कौसिक मुनि साथा ॥
पहिचानहु तुम्ह कहहु सुभाऊ । प्रेम-बिबस पुनि पुनि कहि राऊ ॥

syāmala gaura dhareṃ dhanu bhāthā | baya-kisora kausika muni sāthā ||
pahicānahu tumha kahahu subhāū | prema-bibasa puni puni kahi rāū ||

जा दिन तैं मुनि गयउ लवाई । तब तेँ आजु साँचि सुधि पाई ॥
कहहु बिदेह कवनि विधि जाने । सुनि प्रिय बचन दूत मुसुकाने ॥

jā dina taiṃ muni gayau lavāī | taba tem̐ āju sām̐ci sudhi pāī ||
kahahu bideha kavani vidhi jāne | suni priya bacana dūta musukāne ||