अध्याय 284: विष्णु का धनुष और भ्रम का परदा हटना

देव दनुज भूपति भट नाना । सम बल अधिक होउ बलवाना ॥
जौँ रन हमहि पचारै कोऊ । लरहिँ सुखेन काल किन होऊ ॥

deva danuja bhūpati bhaṭa nānā | sama bala adhika hou balavānā ||
jaum̐ rana hamahi pacārai koū | larahim̐ sukhena kāla kina hoū ||

छत्रिय तनु धरि समर सकाना । कुल-कलङ्क तेहिं पावँर जाना ॥
कहउँ सुभाव न कुलहि प्रसंसी । कालहु डरहिं न रन रघुवंसी ॥

chatriya tanu dhari samara sakānā | kula-kalaṅka tehiṃ pāvam̐ra jānā ||
kahaum̐ subhāva na kulahi prasaṃsī | kālahu ḍarahiṃ na rana raghuvaṃsī ||

बिप्र-बस के असि प्रभुताई । अभय होइ जो तुम्हहिं डेराई ॥
सुनि मृदु गूढ़ बचन रघुपति के । उघरे पटल परसुधर-मति के ॥

bipra-basa ke asi prabhutāī | abhaya hoi jo tumhahiṃ ḍerāī ||
suni mṛdu gūr̤ha bacana raghupati ke | ughare paṭala parasudhara-mati ke ||

राम रमापति कर धनु लेहू । खैंचहु मिटै मोर सन्देहू ॥
देत चाप आपुहिं चलि गयऊ । परसुराम मन बिसमय भयऊ ॥

rāma ramāpati kara dhanu lehū | khaiṃcahu miṭai mora sandehū ||
deta cāpa āpuhiṃ cali gayaū | parasurāma mana bisamaya bhayaū ||