अध्याय 283: युद्धयज्ञ का बखान और श्रीराम का उत्तर

निपटहिं द्विज करि जानहि मोही । मैं जस बिप्र सुनावउँ तोही ॥
चाप-स्त्रुवा सर-आहुति जानू । कोप मोर अति घोर-कृसानु ॥

nipaṭahiṃ dvija kari jānahi mohī | maiṃ jasa bipra sunāvaum̐ tohī ||
cāpa-struvā sara-āhuti jānū | kopa mora ati ghora-kṛsānu ||

समिधि सेन चतुरङ्ग सुहाई । महा-महीप भये पसु आई ॥
मैं एहि परसु काटि बलि दीन्हे । समर-जज्ञ जग कोटिन्ह कीन्हे ॥

samidhi sena caturaṅga suhāī | mahā-mahīpa bhaye pasu āī ||
maiṃ ehi parasu kāṭi bali dīnhe | samara-jajña jaga koṭinha kīnhe ||

मोर प्रभाव विदित नहिँ तोरें । बोलसि निदरि बिप्र के भोरें ॥
भञ्जेउ चाप दाप बड़ बाढ़ा । अहमिति मनहुँ जीति जग ठाढ़ा ॥

mora prabhāva vidita nahim̐ toreṃ | bolasi nidari bipra ke bhoreṃ ||
bhañjeu cāpa dāpa bar̤a bār̤hā | ahamiti manahum̐ jīti jaga ṭhār̤hā ||

राम कहा मुनि कहहु बिचारी । रिस अति बडि लघु चूक हमारी ॥
छुअतहिं टूट पिनाक पुराना । मैं कहि हेतु करउँ अभिमाना ॥

rāma kahā muni kahahu bicārī | risa ati baḍi laghu cūka hamārī ||
chuatahiṃ ṭūṭa pināka purānā | maiṃ kahi hetu karaum̐ abhimānā ||