अध्याय 285: परशुराम की स्तुति और वन को प्रस्थान

जय रघुबंस-बनज-बन-भानू । गहन-दनुज-कुल दहन-कृसानु ॥
जय सुर-बिप्र-धेनु-हितकारी । जय मद मोह-कोह-भ्रम-हारी ॥

jaya raghubaṃsa-banaja-bana-bhānū | gahana-danuja-kula dahana-kṛsānu ||
jaya sura-bipra-dhenu-hitakārī | jaya mada moha-koha-bhrama-hārī ||

बिनय-सील करुना-गुन सागर । जयति बचन-रचना अति नागर ॥
सेवक-सुखद सुभग सब अङ्गा । जय सरीर छबि कोटि अनङ्गा ॥

binaya-sīla karunā-guna sāgara | jayati bacana-racanā ati nāgara ||
sevaka-sukhada subhaga saba aṅgā | jaya sarīra chabi koṭi anaṅgā ||

करउँ काह मुख एक प्रसंसा । जय महेस मन मानस हंसा ॥
अनुचित बहुत कहेउँ अज्ञाता । छमहु छमामंदिर दोउ भ्राता ॥

karaum̐ kāha mukha eka prasaṃsā | jaya mahesa mana mānasa haṃsā ||
anucita bahuta kaheum̐ ajñātā | chamahu chamāmaṃdira dou bhrātā ||

कहि जय जय जय रघुकुलकेतू । भृगुपति गये बनहिँ तप-हेतू ॥
अपभयँ कुटिल महीप डेराने । जहँ तहँ कायर गँवहिं पराने ॥

kahi jaya jaya jaya raghukulaketū | bhṛgupati gaye banahim̐ tapa-hetū ||
apabhayam̐ kuṭila mahīpa ḍerāne | jaham̐ taham̐ kāyara gam̐vahiṃ parāne ||