अध्याय 282: हमारे धनुष में एक गुण, आपमें नौ

देखि कुठार बान-धनु-धारी । भइ लरिकहि रिस बीर बिचारी ॥
नाम जान पै तुम्हहिँ न चीन्हा । बंस सुभाउ उतर तेंहिं दीन्हा ॥

dekhi kuṭhāra bāna-dhanu-dhārī | bhai larikahi risa bīra bicārī ||
nāma jāna pai tumhahim̐ na cīnhā | baṃsa subhāu utara teṃhiṃ dīnhā ||

जौँ तुम्ह औतेहु मुनि की नाँई । पद-रज सिर सिसु धरत गोसाँई ॥
छमहु चूक अनजानत केरी । चहिय विप्र उर कृपा घनेरी ॥

jaum̐ tumha autehu muni kī nām̐ī | pada-raja sira sisu dharata gosām̐ī ||
chamahu cūka anajānata kerī | cahiya vipra ura kṛpā ghanerī ||

हमहि तुम्हहिँ सरिबरि कस नाथा । कहहु न कहाँ चरन कहँ माथा ॥
राम मात्र लघु नाम हमारा । परसु सहित बड़ नाम तुम्हारा ॥

hamahi tumhahim̐ saribari kasa nāthā | kahahu na kahām̐ carana kaham̐ māthā ||
rāma mātra laghu nāma hamārā | parasu sahita bar̤a nāma tumhārā ||

देव एक गुन धनुष हमारें । नव गुन परम-पुनीत तुम्हारें ॥
सब प्रकार हम तुम्ह सन हारे । छमहु बिप्र अपराध हमारे ॥

deva eka guna dhanuṣa hamāreṃ | nava guna parama-punīta tumhāreṃ ||
saba prakāra hama tumha sana hāre | chamahu bipra aparādha hamāre ||