अध्याय 281: परशुराम श्रीराम को युद्ध के लिए ललकारते हैं

बन्धु कहइ कटु सम्मत तोरें । तू छल बिनय करसि कर जोरें ॥
करु परितोष मोर संग्रामा । नाहिँ त छाडु कहाउब रामा ॥

bandhu kahai kaṭu sammata toreṃ | tū chala binaya karasi kara joreṃ ||
karu paritoṣa mora saṃgrāmā | nāhim̐ ta chāḍu kahāuba rāmā ||

छल तजि करहि समर सिव-द्रोही । बन्धु सहित न त मारउँ तोही ॥
भृगुपति बकहिँ कुठार उठाये । मन मुसकाहिं राम सिर नाये ॥

chala taji karahi samara siva-drohī | bandhu sahita na ta māraum̐ tohī ||
bhṛgupati bakahim̐ kuṭhāra uṭhāye | mana musakāhiṃ rāma sira nāye ||

गुनहु लखन कर हम पर रोषू । कतहुँ सुधाइहु ते बड़ दोषू ॥
टेढ़ जानि सब बंदइ काहू । बक्र चन्द्रमहिँ ग्रसइ न राहू ॥

gunahu lakhana kara hama para roṣū | katahum̐ sudhāihu te bar̤a doṣū ||
ṭer̤ha jāni saba baṃdai kāhū | bakra candramahim̐ grasai na rāhū ||

राम कहेउ रिस तजिअ मुनीसा । कर कुठार आगें यह सीसा ॥
जेंहिं रिस जाइ करिय सोइ स्वामी । मोहि जानि आपन अनुगामी ॥

rāma kaheu risa tajia munīsā | kara kuṭhāra āgeṃ yaha sīsā ||
jeṃhiṃ risa jāi kariya soi svāmī | mohi jāni āpana anugāmī ||