अध्याय 279: श्रीराम अपराध अपने ऊपर लेते हैं

अति बिनीत मृदु सीतल बानी । बोले राम जोरि जुग पानी ॥
सुनहु नाथ तुम्ह सहज सुजाना । बालक बचन करिय नहिँ काना ॥

ati binīta mṛdu sītala bānī | bole rāma jori juga pānī ||
sunahu nātha tumha sahaja sujānā | bālaka bacana kariya nahim̐ kānā ||

बररै बालक एक सुभाऊ । इन्हहिँ न बिदुष बिदूषहिँ काऊ ॥
तेहिं नाहीं कछु काज बिगारा । अपराधी मैं नाथ तुम्हारा ॥

bararai bālaka eka subhāū | inhahim̐ na biduṣa bidūṣahim̐ kāū ||
tehiṃ nāhīṃ kachu kāja bigārā | aparādhī maiṃ nātha tumhārā ||

कृपा कोप बध बन्ध गोसाँई । मो पर करिय दास की नाँई ॥
कहिय बेगि जेहि बिधि रिस जाई । मुनि-नायक सोइ करउँ उपाई ॥

kṛpā kopa badha bandha gosām̐ī | mo para kariya dāsa kī nām̐ī ||
kahiya begi jehi bidhi risa jāī | muni-nāyaka soi karaum̐ upāī ||

कह मुनि राम जाइ रिस कैसें । अजहुँ अनुज तव चितव अनैसें ॥
एहि के कंठ कुठार न दीन्हा । तो मैं काह कोप करि कीन्हा ॥

kaha muni rāma jāi risa kaiseṃ | ajahum̐ anuja tava citava anaiseṃ ||
ehi ke kaṃṭha kuṭhāra na dīnhā | to maiṃ kāha kopa kari kīnhā ||